Tum ko kya nahi maloom?
Khawab dekhney wali jo bhi ankh hoti hai
Wo udas rehti hai, wo naraz rehti hai
Ankh ke darech’on mein jo bhi chirag rakhtey hein
Bad-guman raat’on ka zaeiqa wo chakhtey hein
Un key dil ki rah’ein bhi be-nishan rehti hein
Be-aman rehti hein
Un key ghar key darwazey dastak’on sey anjaney
Aur samat’on ki gali ashna si ahhat sey, ajnabi rehti hai
Un key sarey jewan mein,Ek kami si rehti hai
Larkiyo! Muhabbat ke khawab dekhti kiun ho.?
Tum ko kiya nahi maloom?
